Sajak Perpisahan

Sajak Perpisahan

Karya: Reni Nurhayati

Anaking jimat awaking

Harita hidep datang

Dihiap, diaping, dijaring

Diajar agama jeung darigama

Di ieu sakola

Anaking jimat awaking

Waktu ngabelesat lir jamparing

Kiwari geus nepi ka gurat mangsa

Tilu taun lekasan

Urang tutup lawang sigotaka

Seja muka lambaran anyar

Jalu, geulis

Hidep moal nunggeulis

Didamaran ku ѐlmu

Bekel hirup salawasna

Masing jucung, masing nanjung

Masing masagi, waluya sapapaosna

Bral, tandang makalangan

Ngayonan campuhna panѐka jaman

Makѐ patrem pangarti, pangabisa, jeung pangaweruh

Geusan nanjeurkeun komara diri