USUM HALODO

Ku: Muhammad Rizky Adithia (7K)

Saeunggeus usum hujan téh, aya nu ngarana usum halodo. Usum halodo téh nyaéta usum nu panas na népi ka sababaraha darajat. Tatangkalan ogé pararaéh da ku sabab geus garing. Jukut teu katingali tapak-tapakna acan, taneuh angar bareulah matak kebul, hawa panas bayeungyang.

 Dina hiji poé keur panas éréng-éréngan, kuring keur cicing di imah sabari ngahurungkeun kipas da hareudang, kuat ka saawak-awak jibreug ku késang.

“AKHH…, meuni panas kieu ya Allah Gusti..!” ceuk kuring rada ngagorowok.

“Ngeunaheun sigana mun mandi..!”

“Tapi sieun geuring bérés papanasan mah nya..!” ceuk kuring rada ngahuleng

            Geus wéh tidinya téh cicing deui, ku sabab bosen, kuring ngahurungkeun TV wéh teuing rék lalajo naon, nu penting mah teu ngahuleng teuing, nya! Pas kuring keur néangan lalajoaneun, ngaliwat deukeut siaran TVONE aya berita kieu,

 “Disékitar kebun milik pak Wowo, térjadi kebakaran bésar yang bisa mencapai kérugian sébésar 15, 5 juta, tim sar pun datang untuk membantu memadamkan api térsébut, api melahap kebun jagung sékitar 1-2 hektar” kitu beritana téh.

Tah tidinya kuring rada-rada mikir.

“Kunaon nya, kuat ka bisa kaduruk kitu? Sigana mah aya nu ngaduruk atawa ku sabab halodo?” mikir sabari lalajo TV ningali seuneu ngabebela ngaduruk sagala.

            Tah geus kitu néangan deui lalajoanaeun, ngaliwat canel INEWS aya berita deuih siga nyaritakeun taneuh anu rarétak.

“Télah térjadi rétakan di tanah dan sawah sékitar désa Cibolérang yang mémbuat warga khawatir dan para pétani takut akan kékéringan atau gagal panén”ceuk beritana.

            Kuring  reuwas da ku sabab Cibolérang téh ka asup kénéh Garut!

Langsung mikir kieu.

“Lain Cibolérang téh deukeut jeung lémbur kuring! Naha beut bisa rétak kitu? Sigana mah ku bakat halodo tarik kitu?” ceuk kuring nanya ka diri sorangan.

            Boa-boa meureun di lembur urang ogé aya kajadian halodo panjang, kadé lain ngadoakeun, nya! Geus kitu mah kuring lalajo spongebob wéh da aweuh nu ramé deui da lalajo berita teuteruyan mah da bosen atuh nya! Geus wéh kuring téh nyeutél film na.

Halodo téh geus lumangsung 5 bulanan mun teu salah mah. Didieu ogé cai nu biasana ngagolontor, ayeuna mah saat, patani gagal panén, paré teu ka ala. Atuh tutuwuhan nu séjénna teu hirup subur da teu kacéboran. Kuring kuat ka ngala cai ka mana wéh anu ngririm bantuan ti pamaréntah. Émang ripuh, tapi kumaha deui atuh da cai na di paké nginum, di paké mandi, di paké opieun anu maké cai. Ripuh pisan kuat ka mawa émbér na ogé tipepereket jeung bolokot késang saawak-awak asa mandi maké cai késang. Jaba jauh deuih hayang mawa cai ka imah téh, pantes wéh atuh bolokot késang mah.

“Geus ah, bosen lalajo berita waé mah. Mending lalajo spongebob wéh, nya!”

Geus film spongebob na geusan. Kuring kaluar, loba nu ngadu layangan da halodo. Jadi moal kahujanan nya! Géus wéh kuring moro langlayangan kaluar da aya nu éléh, nya dua kebét deuih.

Leuwih alus tibatan cicing di imah, di imah kadon hulang-huléng jeung bararosen. Nya euweuh nu nitah nanaon, jadi asa bararosen kitu. Tah kuring maén langlayanganana nepikeun ka maghrib. Balik-balik dicarékan ku kolot da kaburitan. Usum halodo mah saré ogé panas, teuing ku naon da asa panas…kuring biasana sok di laan baju téh ku sabab hareudang na.

“AKHH…, anéh? Naha peuting ogé meuni panas kieu!!”ceuk kuring rada ngagorowok.

“Tong gogorowokan, panas téh kan ku sabab halodo. Meuni kudu nanya kénéh!” ceuk bapa kuring sabari ambek da keur peureum, jadi wéh lilir meureunan.

“Huuh tong gogorowokan, gandéng!!” tembal indung kuring.

“Muhun…!” kuring sabari murungkut da reuwas dicarékan.

            Pikiran ku malayang, halodo téh geus lila pisan. Rupa-rupa kajadian geus tumiba, kuring nga do’a ka Allah, “Ya Allah, halodo téh geus lami pisan, tos ripuh abdi téh, halodo téh tos bérés wé gusti nu agung.” Reup wéh kuring saré. Mudah-mudahan isuk hujan turun. ***